15 வயது சிறுமியை பாலியல் வன்புணர்வு செய்த குற்றத்திற்காக இளைஞருக்கு மூன்று ஆயுள் தண்டனை விதித்து தேனி போக்சோ சிறப்பு நீதிமன்றம் தீர்ப்பு.

தேனி மாவட்டம் போடி நகர் காவல் நிலைய எல்லைக்கு உட்பட்ட பகுதியைச் சேர்ந்த சிவச்சந்திரன் (வயது38) என்ற நபர் ஏற்கனவே திருமணம் ஆகி இரண்டு குழந்தைகள் இருந்த நிலையில்
கடந்த 2021 ஆம் ஆண்டு,அதே பகுதியில் வீட்டில் தனியாக இருந்த சிறுமிக்கு திருமண ஆசை வார்த்தை கூறி பல நாட்கள் வீட்டில் வைத்து பலமுறை பாலியல் வன்புணர்வில் ஈடுபட்டுள்ளர்.

மேலும் சிறுமியின் பெற்றோர் சிறுமியை காணவில்லை என போடி நகர் காவல் நிலையத்தில் கொடுத்த புகாரின் அடிப்படையில் சிறுமியை தேடிய போது மூன்று நாட்களுக்குப் பின் சிவச்சந்திரன் என்ற இளைஞரின் வீட்டில் இருந்து மீட்கப்பட்டார்.

தொடர்ந்து நடைபெற்ற விசாரணையில் சிறுமியை பாலியல் வன்புணர்வு செய்து குற்றம் புரிந்துள்ளார் என போடி நகர் காவல் நிலையத்தில் வழக்குப் பதிவு செய்யப்பட்டு கைது செய்யப்பட்டு சிறையில் அடைக்கப்பட்டார்.சிறுமி சில மாதங்களில் கர்ப்பமான நிலையில் சிறையில் இருந்த சிவச்சந்திரன் மீது மேலும் சில பிரிவுகளின் கீழ் வழக்குப்பதிவு செய்யப்பட்டது.

வழக்கின் விசாரணை அறிக்கை தேனி மாவட்ட போக்சோ சிறப்பு நீதிமன்றத்தில் தாக்கல் செய்யப்பட்டு விசாரணை நடைபெற்று வந்தது.இன்று இந்த வழக்கு விசாரணை முடிவுற்று சிவச்சந்திரன் குற்றவாளி என தீர்மானிக்கப்பட்டது.

சிறுமியை பாலியல் வன்புணர்வு செய்த குற்றத்திற்காக 2019 ஆம் ஆண்டு குழந்தைகள் பாலியல் குற்றங்களில் இருந்து பாதுகாப்பு திருத்த சட்ட பிரிவு 6,ன் கீழ் மூன்று ஆயுள் தண்டனை விதித்ததோடு 15,000 ரூபாய் அபராதம், அபராதத் தொகையை கட்டத் தவறினால் மேலும் 6 மாதம் மெய்க்காவல் சிறை தண்டனை விதித்து போக்சோ சிறப்பு நீதிமன்ற நீதிபதி கணேசன் வழங்கி வழங்கியதோடு மூன்று ஆயுள் தண்டனையையும் தனித்தனியே அனுபவிக்க வேண்டும் என தனது தீர்ப்பில் குறிப்பிட்டுள்ளார்.

மேலும் சிறுமியின் கல்வி மற்றும் எதிர்கால வாழ்விற்காக தமிழக அரசு 7லட்சம் ரூபாய் இழப்பீடு வழங்க வேண்டும் என்றும், அதில் 1 லட்சம் ரூபாய் சிறுமியின் பராமரிப்பு செலவிற்காக உடனடியாக வழங்க வேண்டும், மீதமுள்ள 6 லட்சரூபாயை சிறுமியின் எதிர்கால வாழ்விற்கு தேசிய மயமாக்கப்பட்ட வங்கியில் வைப்புத் தொகையாக வைக்க வேண்டும் என நீதிபதி தனது தீர்ப்பில் குறிப்பிட்டார்.