நடிகர் விஜய் நடித்து இயக்குனர் வெங்கட் பிரபு இயக்கிய கோட் திரைப்படம் கடந்த வாரம் வெளியாகி திரையரங்குகளில் வெற்றிகரமாக ஓடி வருகிறது.இதில் மறைந்த தேமுதிக தலைவரும்,நடிகருமான விஜயகாந்த் -ன் தோற்றத்தை AI தொழில் நுட்பமாக மூலமாக உருவாக்கி படத்தில் சிறிது நேரம் வருவது போல காட்சிப்படுத்தப்பட்டுள்ளது.

இந்த நிலையில் நடிகர் விஜய்காந்தின் மூத்த மகன் விஜயபிரபாகரன், மற்றும் இளைய மகன் சண்முகபாண்டியன்,நடிகர் சரத்குமார்,இயக்குனர் பொன்ராம் ஆகியோர் தேனி வெற்றி திரையரங்கில் இன்று இரவு 7.45 மணி காட்சியை கண்டு களித்தனர். குறிப்பாக நடிகர் விஜயகாந்த் படத்தில் தோன்றும் காட்சியை கண்டு விஜயபிரபாகரன் மற்றும் சண்முக பாண்டியன்,சரத்குமார்,இயக்குனர் பொன்ராம் உள்ளிட்டோர் கைதட்டி மகிழ்ந்தனர்.

தேனி மாவட்டம் பெரியகுளம் மற்றும் வைகை அணை உள்ளிட்ட பல்வேறு பகுதிகளில் விஜயகாந்தின் இளைய மகன் சண்முகபாண்டியன் மற்றும் நடிகர் சரத்குமார் இணைந்து நடித்து இயக்குனர் பொன்ராம் இயக்கி வரும் திரைப்படம் படமாக்கப்பட்டு வருகிறது.இதனைத் தொடர்ந்து கடந்த 10 நாட்களுக்கும் மேலாக சரத்குமார் மற்றும் சண்முகபாண்டியன் இயக்குனர் பொன்ராம் உள்ளிட்டோர் தேனியில் தங்கி படப்பிடிப்பில் ஈடுபட்டு வருகின்றனர்.

இந்த நிலையில் நடிகர் விஜயகாந்தை AI தொழில்நுட்பமூலம் உருவாக்கி உள்ள கோட் திரைப்படத்தை விஜயகாந்தின் மகன்கள் மற்றும் நடிகர் சரத்குமார்,இயக்குனர் பொன்ராம்,படத்தின் தயாரிப்பாளர், கதாநாயகி உள்ளிட்ட ஏராளமானோர் கண்டு களித்தது குறிப்பிடத்தக்கது.